+7 (411-52) 42-202

Телефон приемной

«Толлуман» түмсүү олоҕуттан….

Сатабыл оҕо айымньытын дьиэтигэр «Толлуман» түмсүү 2015 сыллаахтан үлэлиир. Куруһуок салаайааччыта Аргунова Октислава Владиславовна. Куруһуокка үгүс оҕо дьарыктанан, хас да көлүөнэ выпусниктардаах.

«Толлуман» тумсуу оҕолоро сыл ахсын быыстапка тэрийэн ыыталлар. 2022 сыллааҕы быыстапка «Кэрэҕиэн даҕаны, Сахам сирэ» диэн ЯАССР 100 сылыгар анаммыта. Дойдубут кэрэ бэлиэ сирдэринэн араас хайысхалардаах маршруттарынан сылдьыбыт түгэннэри кэпсиир, көрдөрөр хаартыскалар дьон көрүүтүгэр тахсыбыттара. Айанныы сылдьан булбут араас дьикти хаамыскалара, сэдэх араас кыыллар уҥуохтара, бу барыта выставкаҕа көрдөрүүгэ турбуттара, дьон-сэргэ кэрэхсэбилин, сэҥээриитин ылбыттара.

Сылын аайы оҕолорго сайыҥҥы лааҕырдар тэриллэллэр, онно оҕолор туризмы уонна кыраайы үөрэтэр хайысхаларынан дьарыктаналлар. Хаартыскаҕа түһэрэ үөрэнэр сыалтан сөбүлүү көрбүт үүнээйилэрин, сирдэрин, араас дьикти көстүүлэри түһэрэн остуоруйаҕа хааллараллар.

Ойуурга хайдах, тугунан сирдэтинэн муммакка сылдьар уонна тулуурдаах буолар сатабылларга дьарыктанабыт, араас ньымалары үөрэтэбит. Элбэх тематическэй тэрээһиннэри оҥоробут,  ол курдук спортивнай ориентированиеҕа күрэхтэр,  дойдуну үөрэтэр викториналар уо.д.а. Сайыны долгуйа кэтэһэбит, ыраах айанныырбытын күүтэбит.

2019 сыллаахха республиканскай туристическай слетка “спортивнай туризм класс 1” диэҥҥэ 1 миэстэни ылан үөрүү кынаттаах кэлбиппит.

2022 сыл сайын түөрт күннээх республиканскай Туристическай слетка  оҕолорбут Дьокуускай куорат Владимировка миэстэтигэр Таатта улууһун аатын ситиһиилээхтик көмүскээн кэлбиттэрэ .

Улууска буулдьанан ытыы күрэҕэр хас эмит төгүллээх чемпионнар Габышев Эрчим, Решетникова Айна, Спиридонов Коля, Бястинова Нария, Данилов Эрхан, Платонов Слава, Мосоркин Кэскил, Аргунова Анжелина, Собакин Жора буолаллар.

Бэргэн ытааччы выпускниктарбыт ааттарын үрдүктүк тутабыт, холобур оҥостобут: Неустроева Таня, Аргунова Айкуо, Назаров Антон, Белолюбскай Илья, Марков Ариан, Поленова Алексанна, Никонов Егор, Неустроев Игорь, Огонеров Дьулусхан.

Биһиги выпускник уолаттарбытынан киэн туттабыт! Кинилэр Арассыыйаа аармыйатын ВВС, ВДВ, ВМФ курдук чаастарыгаар сулуспалаабыттара. Бу оҕолор куруутун «Толлуман» кэнчээри ыччатарыгар санаа үллэстэн, хайдах эти-хааны эрчийэн, олоххо, аармыйа сулууспатыгар бэлэмнээх буоларга үөрэтэллэр, сүбэ-ама,үөрэх тэрээһиннэрин ыытар үтүө үгэстээхтэр.

Сылын аайы ыытыллар региональнай күрэххэ Дмитрий Ананьевич Петров дьиэ кэргэнин бириһиигэр 2020 с. Абсолютнай чемпионка аатын Валерия Саввина ылбыта, Петровтар дьиэ-кэргэн анал сыаналаах бирииһинэн наҕараадаламмыта.

Улуустааҕы муус оҥоһук күрэҕэр 2020- 2021 с.с. иккитэ  кыттаннар анал номинацияларга тиксибиттэрэ: Поленов Леонид, Аргунова Айкуо,Канаев Саша, мас оҥоһук күрэҕэр 2021 с. ситиһиилээхтик Назаров Антон, Орлосов Владик, Андросов Олег  кыттан эмиэ анал ааттарга тиксибиттэрэ, Аргунова Айкуо норуот маастара Тарабукин Эдуартан анал бириис хаһаайына буолбута. Мас оҥоһукпут Тааттааҕы литературнай музей Хадаайы территориятыгар турар.

 

Сайын аайы араас сирдэринэн экспедицияларга, сплавка сылдьабыт, экскурсиялары тэрийэбит. Ыраах Өймөкөөн, Томпо улуустарыгар хаста даҕаны айанныы сырыттыбыт, умнуллубат түгэннэрбитин куруук саныыбыт. Куруһуок оҕолоро түһэрбит хаартыскаларынан сувенирнай открыткалары бэчээттээн таһаарабыт. Биһиги сувенирнай открыткаларбыт аан дойдуга киэҥник тарҕанна, дьон биһирэбилин ылан, элбэх конкурстарга кыттыбыта.

 

Оҕолор спорт араас  көрүҥнэригэр, улууска ыытыллар тэрээһиннэргэ кыттаннар нэһилиэктэрин, дьоннорун, оскуолаларын үөрдэллэр, ситиһии аҕалаллар.

 

Айна Решетникова, Бястинова Нария «Толлуман» түмсүү иитиллээччилэрэ.

«Сатабыл» оҕо айымньытын дьиэтэ.

 

 

 

 

Рубрики:

Метки:

Нет Ответов

Добавить комментарий

Ваш адрес email не будет опубликован. Обязательные поля помечены *